Bukan Mop : Tanya Umur

Bukan Mop : Tanya Umur

Di satu pagi di sebuah puskesmas di Papua,

Mama1,”selamat sore suster..”

Mama2,”selamat siang suster..”

Suster yang lagi sibuk bingung tengok jam, lalu tersenyum,”selamat pagi mama mama…” membalas sapa dengan sedikit meralat sapaan mereka

Mama2,”ah, itu sudah…”

Suster,”sapa yang mo berobat kaaah?”

Mama1,” sa suster, sama sa pu anak ini..”

Suster,”mama pu umur berapa kah?”

Mama1,”ah… berapa ya..? (bingung2) dua kah?”

Suster,” 23 saja e mama…”

Mama1,”iyo sudah..”

Suster,”baru… mama pu anak ini umur berapa?”

Mama1,”belum jalan…” kata mama bingung setengah menggantung

Suster tengok deng pu anak yg bengong beringus.. baru suster tertawa,”ah, mana ada umur belum jalan. Mama pu anak itu su 4 tahun..”

Mama,”ah… itu lagi..”

Suster cuman geleng2 catat data. Susahnya bicara umur di sini

(010913 01.44pm)

Baru, suster Tanya lagi ke mama2 yang lagi gendong deng pu anak kecil,”mama pu anak umur Berapa kah?”

Mama,”ah.. berapa e?sa lupa jadi.”

Suster tengok deng pu anak sambil pikir2 kira,”hm.. 6 bulan mungkin ya. Iya bukan ya dok?” suster Tanya ke dokter sedikit ragu.

Dokter yg sedari tadi berdiri disamping dokter sibuk dengan urusan lain, langsung tengok anak itu, kira2,”6 bulan?ah, kurang ya..”

Suster,”baru, kurang itu berapa dok?”

Dokter,”9 bulan itu..”kata dokter dengan sangat yakin.

Suster angkat deng pu kepala ke dokter,”ah.. dokter su macam orang papua saja, kaco sampe! Baru ditanya umur kurang 6 bulan tapi bilang 9 bulan. Macam mana itu?! Kaco sekali”

Dokter,”hihi.. aih, tes too.. meledak sampe”

Suster,”jizz…iyo sudah..”

(010913 01.52pm)