Mop : Ko Pu barang
Di suatu waktu, ada mace sama pace ini yang baku rebut. Su
hampir setiap hari ributttt terus. Sampai di satu titik pace tra tahan sama de
pu maitua itu. Sore sore pulang kerja pace beres2 deng pu barang2, baju2 ke
dalam koper mo angkat kaki dari rumah.
Mace,” pace mo pi?
Pi sudah…!!” kata mace ganas.
Pace,” iyo sudah! Sa
pi ini.. sa su tra tahan sama ko!” kata pace balas ganas. Pace angkat de pu
koper itu terus jalan kaki keluar rumah. Baru sampe gang depan rumah itu mace
ikut keluar, baru dorang teriak ke pace,”
pace… ko tra bawa ko pu barang ini kaah?” kata mace sambil angkat de pu rok itu…
Pace yang tadi ganas balik badan liad de pu maitua
kelakukan itu, baru dorang bilang,”ah… sa mo pi beli rokok saja…”kata pace
salah tingkah, tra jadi pi angkat kaki dari rumah (sumber:cerita kakak)
Tidak ada komentar:
Posting Komentar